கடந்த இரு தினங்களுக்கு முன்னர் குஷ்புவின் தயாரிப்பில் வைபவ் ஒரு படத்தில் ஹீரோவாக நடிக்கவுள்ளார் என்பதை பார்த்தோம். தற்போது இந்த படம் குறித்து கூடுதல் தகவல்கள் சில வெளிவந்துள்ளது.
குஷ்பு தயாரிக்கவிருக்கும் இந்த படத்தை அவரது கணவர் சுந்தர் சி இயக்குவார் என எதிர்பார்த்த நிலையில், இந்த படத்தை அவரது உதவி இயக்குனர்களில் ஒருவரான பாஸ்கர் இயக்கவுள்ளார் என்ற தகவல் தற்போது வெளியாகியுள்ளது. பாஸ்கர் ஏற்கனவே ஒரு தனியார் தொலைக்காட்சியில் நடைபெற்ற நாளைய இயக்குனர்' என்ற நிகழ்ச்சியில் முதல் பரிசு பெற்றவர் என்பது குறிப்பிடத்தக்கது. மேலும் இவர் சுந்தர் சி இயக்கிய ஒருசில படங்களில் உதவி இயக்குனராகவும் பணிபுரிந்தவர்.
வரும் ஏப்ரல் 10ஆம் தேதி முதல் படப்பிடிப்பு தொடங்கவுள்ள இந்த படத்தில் வைபவ்வுக்கு ஜோடியாக நடிக்கவுள்ள நடிகை மற்றும் தொழில்நுட்ப கலைஞர்களை தேர்வு செய்யும் பணியில் இயக்குனர் பாஸ்கர் தீவிரமாக ஈடுபட்டுள்ளதாக கூறப்படுகிறது.
0 comments:
Post a Comment