'காஞ்சனா 2' டிரைலர் மற்றும் ரிலீஸ் தேதி.

முனி, முனி 2 காஞ்சனா படங்களை அடுத்து ராகவா லாரன்ஸ் இயக்கி நடித்துள்ள படம் காஞ்சனா 2. இந்த படம் கடந்த இரண்டு வருடங்களாக தயாராகி வந்த நிலையில் தற்போது ரிலீஸ் நிலைக்கு வந்துள்ளது. இந்த படத்தில் டிரைலர் ரிலீஸ் வரும் 30ஆம் தேதி என்றும் படத்தின் ரிலீஸ் தேதி ஏப்ரல் 16 என்றும் தற்போது படக்குழுவினர் அதிகாரபூர்வமாக அறிவித்துள்ளனர்.,

சன் பிக்சர்ஸ் வெளியிடும் இந்த படத்தில் ராகவா லாரன்ஸ், டாப்ஸி, கோவை சரளா, ரேணுகா, மற்றும் பலர் நடித்திருக்கும் இந்த படத்தில் நித்யா மேனன் சிறப்பு தோற்றத்திலும் நடித்துள்ளார் என்பது குறிப்பிடத்தக்கது. எஸ்.தமன் இசையமைக்கும் இந்த படத்திற்கு ராஜவேல் ஒளிவீரன் ஒளிப்பதிவு செய்துள்ளார். பெல்லகொண்டா சுரேஷ் தயாரித்திருக்கும் இந்த படத்திற்கு கதை, திரைக்கதை, வசனம் எழுதி ராகவா லாரன்ஸ் இயக்கியுள்ளார்.

ஆறு விதமான வித்தியாசமான வேடங்களில் இந்த படத்தில் ராகவா லாரன்ஸ் நடித்துள்ளார். மேலும் ராகவா லாரன்ஸின் சகோதரர் வினோ இந்த படத்தில் ஒரு பாடலுக்கு டான்ஸ் ஆடியுள்ளார் என்பது குறிப்பிடத்தக்கது. இந்த படத்தின் படப்பிடிப்பின் இடையே லாரன்ஸ் காயம் அடைந்ததால் இடையில் சில மாதங்கள் இந்த படத்தின் படப்பிடிப்பு நிறுத்தப்பட்டு பின்னர் அவர் குணமாணதும் மீண்டும் படப்பிடிப்பு தொடங்கப்பட்டது.