ஏப்ரல் 2ல் உதயநிதியின் 2 படங்கள் ரிலீஸ்?

ஒரு கல் ஒரு கண்ணாடி, இது கதிர்வேலன் காதல் படங்களை அடுத்து உதயநிதி ஸ்டாலின் ஹீரோவாக நடித்து தயாரித்துள்ள திரைப்படம் 'நண்பேண்டா'. இந்த படத்தில் உதயநிதியுடன் நயன்தாரா, சந்தானம், கருணாகரன், ஷெரீன், சூசன், மனோபாலா, காதல் தண்டபாணி உள்பட பலர் நடித்துள்ளனர். நடிகை தமன்னா சிறப்பு தோற்றத்தில் நடித்துள்ள இந்த படத்திற்கு ஹாரீஸ் ஜெயராஜ் இசையமைத்துள்ளார். பாலசுப்பிரமணியம் ஒளிப்பதிவும், விவேக் ஹர்சன் எடிட்டிங்கும் செய்துள்ள இந்த திரைப்படம் வரும் ஏப்ரல் 2ஆம் தேதி உலகம் முழுவதும் பிரமாண்டமாக ரிலீஸ் ஆகவுள்ளது.

இந்நிலையில் உதயநிதி, தனது அடுத்த படமான 'கெத்து' படத்தின் படவேலையையும் ஆரம்பிக்கும் மும்முரத்தில் உள்ளார். 'மான் கராத்தே' இயக்குனர் திருக்குமரன் இயக்கவுள்ள இந்த படத்தில் உதயநிதிக்கு ஜோடியாக 'ஐ' நாயகி எமிஜாக்சன் நடிக்கவுள்ளார். சுகுமார் ஒளிப்பதிவு செய்யவுள்ள இந்த படம் மிக விரைவில் படப்பிடிப்பு ஆரம்பமாக உள்ளது.

மேலும் உதயநிதி ஸ்டாலின் வரும் ஏப்ரல் 2ஆம் தேதி தனது  'நண்பேண்டா' படத்தை திரையிடுவது மட்டுமின்றி 'கெத்து' படத்தின் பர்ஸ்ட் லுக்கையும் அதே நாளில் இணையதளங்கள் மூலம் வெளியிட ஆலோசனை செய்து வருவதாகவும் செய்திகள் கூறுகின்றன. 'கெத்து' படத்தின் பர்ஸ்ட் லுக் பணிகள் முடிவடைந்துவிட்டதாகவும் ஏப்ரல் 2ல் அதை வெளியிட படக்குழு தயார் நிலையில் இருப்பதாகவும் கூறப்படுகிறது.