சிவகார்த்திகேயன் நடிப்பில் வெளிவந்த காக்கி சட்டை படம் ரசிகர்களிடையே நல்ல வரவேற்ப்பை பெற்றது. இதை தொடர்ந்து அவர் நடித்து வந்த ரஜினி முருகன் படமும் ரிலீஸ்-க்கு தயார்நிலையில் உள்ளது.
இந்த படம் வரும் ஜூன் மாதம் ரிலீஸாகலாம் என எதிர்பார்க்கப்படுகிறது. இந்நிலையில் சிவகார்த்திகேயன் அடுத்த படம் என்ன என்பது குறித்த தகவல்கள் வெளிவர தொடங்கியுள்ளது.
சிவகார்த்திகேயன் சொந்தப்படம் தயாரிக்கவுள்ளதாக கூறப்படுகிறது. சிவகார்த்திகேயனும் அவருடைய நண்பர் ராஜா என்பவரும் இணைந்து தயாரிப்பு நிறுவனம் ஒன்றை தொடங்கவுள்ளதாகவும், இந்த நிறுவனம் தயாரிக்க இருக்கும் முதல் படத்தில் சிவகார்த்திகேயனே நாயகனாக நடிக்கவுள்ளதாகவும் கூறப்படுகிறது.
இந்த படத்தில் சிவகார்த்திகேயனுக்கு ஜோடியாக சமந்தா அல்லது நயன்தாராவை நடிக்க வைக்க முயற்சிகள் நடந்து வருகின்றன.
இந்த படத்தை பாக்யராஜ் பாரதி என்பவர் இயக்கவுள்ளார். இவர் இயக்குனர் அட்லியிடம் உதவியாளராக இருந்தவர் என்பது குறிப்பிடத்தக்கது. இந்த படத்திற்கு அனிருத் இசையமைப்பார் என எதிர்பார்க்கப்படுகிறது.
0 comments:
Post a Comment