ஓ.கே சொல்லிய சமந்தா: தலைகால் புரியாமல் ஆடும் சிவகார்த்திகேயன்

சின்னத்திரையில் இருந்து வெள்ளித்திரைக்குள் நுழைந்ததால் யாரையெல்லாம் புகழ்ந்து பேசினால் ரசிகர்கள் மத்தியில் பிரபலமாக முடியும் என அனைத்து விஷயத்தையும் தெரிந்து வைத்துள்ளார் சிவகார்த்திகேயன்.

இதை அவ்வபோது பயன்படுத்தி வந்த சிவகார்த்திகேயன் தற்போது திரையுலகில் முன்னணி இடத்தை நோக்கி வந்து கொண்டிருக்கிறார். கோடிகளில் சம்பளம் வாங்கும் நடிகைகளை பிடித்தால்தான் சீக்கிரம் முதல் இடத்தை பிடிக்க முடியும் என்பதால் நயன்தாராவிற்கு வலை விரித்தார் ஆனால் நயன், அவருடன் நடிக்க மறுத்து விட்டார். அதன்பிறகு மான் கராத்தே படத்தில் ஹன்சிகாவை நடிக்க வைத்தார்.

தனது நண்பரும் மேனேஜருமான ஆர்.டி.ராஜாவுடன் இணைந்து புதிய படக்கம்பெனி துவங்கி, அதில் தானே ஹீரோவாக நடிக்க உள்ளாராம் சிவகார்த்திகேயன். இந்த படத்தில் சிவகார்த்திகேயனுக்கு ஜோடியாக சமந்தா நடிக்கவிருக்கிறாராம். விஜய், சூர்யா, விக்ரம், தனுஷ் என முன்னணி நடிகர்களுடன் நடித்து வரும் சமந்தா தற்போது தன்னுடைய படத்தில் நடிக்க ஒத்து கொண்டதால் சிவகார்த்திகேயன் தலைகால் புரியாத சந்தோஷத்தில் இருக்கிறாராம்.